Erwin Live

Noets mie knien

Iech veul miech slech vendaog
Höb las vaan miene maog
Iech weit ut zeker
Dit waor de letste kier
Veer zaote weer biejein
Femilie oonderein
Verpliech gezellig doen
Mam zag, haw dien fetsoen
----------------------------------------------------------------
Ut waor drok in de stad
iech had pijjn aon mien kneuk
Iech wow trök naor mien brak
voont ‘t gaar neet mie leuk
Mer toes aongekoume
stoond alles al klaor
Jao de ganse femilie
die waore al daor
------------------------------------------------------------
Dus iech snel aon taofel
gans sjiek in ut pak
Mer mien brook waor te kleijn
m’n krevat vöäl te strak
Noonk Sjèr maakte grepkes
die voont heer hiel vèt
Al begreep iech de Clou neet
iech lachde toch mèt

Nao ore aon de taofel
kos iech geine tleur mie zien
En iech hoof ut ech noets mie
‘ch wel noets mie knien

D’r waor vreigel aon taofel
de stumming sloog um
eedrein waor aon’t howwe
de keersboum veel um
noonk Wum ging toen klaoge
en kreeg toen un voes
unne heerlukke chaos
iech voolt miech weer toes

Deen depressieve sfeer
geef miech e sjeetgeweer
mijjn God wat daon iech heij
‘ch had liever diech debeij
of feeste met mien vrun
8 pelskes, 2 haaf um
daan kreijg iech toch gooi zin
sjöt gèt te drinke in