Erwin Live

Sjöt nog e pelske in!

twie naor väöre en eine achteroet
jao in de göt, mer och weer gaw d’r oet
stupke op en stupke ouch weer aof
Jong wie kom iech hei noe weer vaanaof

Meh iech veul miech good, en iech höb zin…
Sjöt nog es e pèlske in
Lalalalalalalala

Veur wat zeen iech vaan alles noe toch twie
En wèlle noe m’n veuj opins neet mie
Boerum ligk iech heij laangkoet op de groond
En dreijt d’n hiele wereld in ’t roond

Meh iech veul miech good, en iech höb zin…
Sjöt nog es e pèlske in

Mien tong die veult zjus wie ‘ne lere lap
Iech bin zoe druug, boe vin iech nog ‘n tap
Boerum höb iech toch zoene naate jas
wee hèlt z’ch dao d’n hielen tied aon vas

Meh iech veul miech good, en iech höb zin… Hahaha
Sjöt nog es twie pèlskes in Ha ha

Zoe zaat bin iech allang neet mie gewees
zoe zaat terök gekoume vaan e fees.
Zoe zaat tot iech nog geine mins mie kin,
Zoe zaat, lekker zaat wie iech noe bin

Meh iech veul miech good, en iech höb zin…
Sjöt nog es vief pèlskes in